Heiðarleg, traust, jákvæð og persónuleg þjónusta.
Hagnýtar upplýsingar sem geta sparað þér þúsundir !
Tilgangur þessarar síðu.
Í gegn um póstlista Sjónarhóls munum við í framtíðinni láta vita um ýmsar hagnýtar upplýsingar, svosem endurgreiðslur ýmissra félaga, stéttafélaga og trygginga, Þannig getur þú fengið þær sendar beint til þín. Jafnframt því munum við koma þeim upplýsingum inn á þessa undirsíðu "Hagnýtar upplýsingar"
Tryggingarstofnun (Sjónstöð Íslands ):
Til langs tíma hefur styrkur verið veittur til gleraugnakaupa frá Tryggingastofnun í gegn um Sjónstöð Íslands. Upphæðin hafði verið óbreytt og nokkuð lág í nokkur ár, en um síðustu áramót var reglugerðarbreyting. Breytingin fól í sér krónutölu hækkun í flestum tilvikum og einnig var veruleg víkkun á réttingum.
Styrkur er veittur til barna til 16 ára aldurs, og nú er greitt bæði fyrir plús og mínus gler. Upphæðin er 7.000,- fyrir par glerja innan styrkleika +/- 4.0 og sjónskekkja að -2.0. Miðað er við að glerin séu plastgler með glampavörn.
Greitt hefur verið fyrir Prisma gler (leiðrétting tvísýni) og er upphæðin í dag allt að 30.000,- hámark. Sjónfræðingar og augnlæknar gefa nánari upplýsingar í hverju einstöku tilviki. Þeir gefa jafnframt út skjal stílað á Sjónstöð Íslands sem hægt er að koma með í verslunina. Þessi gleraugna/glerja styrkur miðast við ein gleraugu á ári
Heimilistryggingar / innbús kaskó:
Í flestum tryggingarfélögum er boðið upp á sérstaka innbús-kaskó tryggingu gegn 3.000,- til 3.700,- aukagjaldi. Í öllum tilvikum eru gleraugun meðtalin. Eigináhætta er að jafnaði frá 10.000,- til 25.000,- eftir tryggingarfélagi og tegund tryggingar. Þessi trygging er ekki eingöngu vegna gleraugna, einnig eru fartölvur, sjónvörp, myndavélar og aðrir lausamunir fjölskyldunnar tryggðir
Stéttafélög styrkja gleraugnakaup !
Stéttafélög taka þá í gleraugnakaupum félagsmanna sinna. Haft var samband við VR, BSRB og BHM og bjóða þau öll upp á þessa styrki. Mjög misjaft er hvernig þessu er háttað en hjá VR. er þessi styrkur tekin úr svokölluðum varasjóði. Ef félagi á 20.000,- í sjóðnum og kaupir gleraugu fyrir 20.000,- þá greiðir sjóðurinn 20.000,- að frádregnum staðgreiðsluskatti eða ca. 13.400,-. Hjá BSRB er styrkurinn veittur á 50% þeirrar upphæðar sem fer yfir 45.000,- og hjá BHM eru veittar 25.000,- til gleraugnakaupa hafi félagsmaður verið í amk. 6 mánuði í félaginu og verið í vinnu sl. 3 mánuði. Reglur BHM eru í endurskoðun.
Ekki svo hagnýtar upplýsingar en til gamans gert !
Elsta ritaða heimild um notkun glerlinsa er eftir Roger Bacon frá 1268. En vitað er að á þeim tíma var þegar farið að nota stækkunarlinsur, settar í ramma, til lestrar bæði í Evrópu og Kína. Þó er umdeilt á hvorum staðnum þessi tækni er upprunnin.
Í Evrópu komu gleraugu fyrst fyrir á Ítalíu að frumkvæði Alessandro di Spina í Flórens. Fyrsta málverkið sem sýnir mann með gleraugu er af Hugh frá Provence og er eftir Tommaso da Modena, málað 1352. Árið 1480 málaði Domenico Ghirlandajo heilagan Jeremías með gleraugu. Eftir það varð heilagur Jeremías verndardýrlingur gildis gleraugnasmiða. Í upphafi voru gleraugu aðeins til við fjarsýni. Elsta heimild um gleraugu við nærsýni er málverk af Leó X páfa, sem Rafael málaði 1517. Árið 1784 fann Benjamin Franklin svo upp tvískipt gleraugu, þar sem helmingur linsunnar er til þess að horfa langt frá sér en hinn helmingurinn til að horfa nær sér.
Upphaflega voru gleraugu úr glærum kristöllum en aukin eftirspurn leiddi til þess að farið var að nota gler. Síðar hafa ýmsar smávægilegar breytingar verið gerðar á gleraugum, til dæmis er eiginleikum glersins breytt með því að bæta efnum í það og stundum er það húðað með magnesínflúoríði til að koma í veg fyrir speglun. Nýlega hefur plast verið tekið í notkun við gleraugnagerð í stað glers. Það hefur þann kost að vera léttara en gler en á hinn bóginn rispast það frekar.
Heimild: Britannica